ထေရုပ္ပတ္တိ
၁၃၀၁ ခုနှစ် တပေါင်းလပြည့်၊ (၁၉၄၀ ခုနှစ်၊ မတ်လ ၂၂ ) စနေနေ့တွင် မန္တလေးတိုင်းဒေသကြီး၊ စဉ့်ကူးမြို့နယ်၊ ညောင်ပင်ရွာ၊ ခမည်းတော် ဦးစံလှနှင့် မယ်တော် ဒေါ်ခင်တို့မှဖွားမြင်သည်။ ၁၃၀၅ (၁၉၄၄) ခုနှစ်၊ အသက်(၅)နှစ်သားအရွယ်တွင် စဉ့်ကူးမြို့နယ်၊ ညောင်ပင်ရွာ၊ ပေါ်တော်မူ ကျောင်းဆရာတော် ဦးကေလာသ (ဦးလေးဘုန်းကြီး)ထံတွင် မြန်မာစာနှင့် ဗုဒ္ဓစာပေများကို စတင်သင်ကြားခဲ့သည်။ ၁၃၁၁ (၁၉၄၉) ခုနှစ်၊ ဝါဆိုလဆန်း(၁၁)ရက်၊ အသက် (၁၀)နှစ်အရွယ်တွင် စစ်ကိုင်းတောင်ရိုး၊ ဝိပဿနာဂန္ဓာရုံချောင်၌ အဘိဓဇမဟာရဋ္ဌဂုရု၊ နဝမရွှေကျင်သာသနာပိုင် စံကင်းဆရာတော်ဘုရားကြီးကို ဥပဇ္ဈာယ်ပြုလျက် ရှင်သာမဏေပြုခဲ့သည်။ ၁၃၁၄ (၁၉၅၃) ခုနှစ်၊ အသက် (၁၃)နှစ်တွင် အဘိဓမ္မာစာမေးပွဲ (၃)ဆင့် စတင်အောင်မြင်ခဲ့သည်။
DHAMMA CHANNEL
ပါမောက္ခချုပ်ဆရာတော် ဒေါက်တာနန္ဒမာလာဘိဝံ
ဟောကြားသည့် တရားတော်များအား အသိပညာ ဗဟုသုတ ရရှိစေရန် ပြန်လည်မျှဝေပါသည်။
တရားနာယူရခြင်းကြောင့် ရရှိသော အကျိုးတရား ( ၅ ) ပါး
(၁) မှန်ကန်သော အတွေးအခေါ် အပြောအဆို အပြုအမူ မှန်ခြင်း။
(၂) သိခဲ့ဖူးသော အကြောင်းအရာများကို ထပ်မံ၍ ရှင်းလင်းစွာ သိရခြင်း။
(၃) ယုံမှားသံသယဖြစ်နေသော အချက်များ၌ ယုံမှားမှုကင်းခြင်း။
(၄) မသိဖူးသေးသော အကြောင်းအရာများကို ထပ်မံသိရှိရခြင်း။
(၅) သဒ္ဒါ၊ သီလ၊ စာဂ၊ ပညာ တိုးပွား၍ စိတ်ကြည်လင်ခြင်း။
ဗုဒ္ဓဘာသာဆိုင်ရာအမေးအဖြေ
ဗုဒ္ဓဘာသာဆိုင်ရာအမေးအဖြေ (၁)
ဗုဒ္ဓဘာသာဆိုင်ရာအမေးအဖြေ (၂)
ဗုဒ္ဓဘာသာဆိုင်ရာအမေးအဖြေ (၃)
ဗုဒ္ဓဘာသာဆိုင်ရာအမေးအဖြေ (၄)
